बाँके –
बाँकेको जानकी गाउँपालिका वडा नम्बर ५ ले वडाका ३ सय बढी ज्येष्ठ नागरिक तथा गरिब परिवारलाई न्यानो कम्बल वितरण गरिएको छ । गाउँपालिकाका अध्यक्ष छब्बन खाँकाे प्रमुख आतिथ्यतामा वडा नम्बर ५ का वडा अध्यक्ष टीकानाथ यादवले वडाका स्थानीयहरुलाई कम्बल वितरण गरेका हुन् ।
वडा अध्यक्ष यादबका अनुसार वडामा रहेका ७० वर्ष माथिका अति गरिब र विपन्न ३ सय ७५ जनालाई कम्बल विरतण गरिएको छ । उनले वडामा रहेका ज्येष्ठ नागरिकलाई जाडो मौसममा न्यायो प्रदान गर्न सम्मानसहित उक्त कम्बलहरु वितरण गरिएको बताए ।
त्यस्तै पालिका अध्यक्ष छब्बन खाँले पालिकाका अन्य स्थानमा पनि कम्मल वितरण गरिने बताए । उनले पालिकामा रहेका ज्येष्ठ नागरिकलाई सम्मान गर्ने उद्देश्यले कम्मल वितरण कार्यक्रम आयोजना गरिएको बताए ।
