बाँके –
पाल्पामा जीप दुर्घटना हुँदा ८ जनाको ज्यान गएको छ भने १० जनाभन्दा बढी घाइते भएका छन् ।
तानसेन नगरपालिकाको डुम्रेबाट तिनाउ गाउँपालिकाको चिदिसतर्फ जाँदै गरेको लु१ज २३७१ नम्बरको जीप दुर्घटना भएको जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक सुगन्ध श्रेष्ठले बताएका छन् । उनकाअनुसार ८ जनाको शव फेला परेको छ । अझै केहीको मृत्यु हुनसक्ने आशंका गरिएको छ । जीप २० जना सवार भएको अनुमान गरिएको छ ।
दिउँसो साढे ४ बजेतिर भित्री कच्ची सडकमा दुर्घटना भएको हुँदा अझै उद्धारकार्य जारी रहेको प्रहरीले बताएको छ । मृतक तथा घाईतेहरुको पहिचान खुलिसकेको छैन । जीप सडकभन्दा तल खसेको छ ।
