बाँके –
नेपालगन्जको धम्बोझीस्थित सनबीम इंग्लिश मिडियम स्कुलले आफ्नो २०औं वार्षिकोत्सब मनाएको छ । विद्यालय प्रांगणमा आज(शुक्रबार) कार्यक्रमको आयोजना गरेर वार्षिकोत्सब मनाइएको हो ।
वार्षिकोत्सब कार्यक्रमलाई सम्बोधन गर्दै प्रमुख अतिथि नेपालगन्ज उपमहानगरपालिकाका प्रवक्ता एवम् वडा नम्बर १ का अध्यक्ष प्रमोद रिजालले बाहिरी देशमा समेत प्रतिष्पर्धा गर्न सक्ने शिक्षा दिनुपर्ने आवश्यकता औंल्याउँदै सनबीमले अभिभावकको विश्वास जित्नेगरी शिक्षण गरिरहेको बताए ।
कार्यक्रममा विद्यालयमा वर्षभरिमा शैक्षिक तथा अतिरिक्त क्रियाकलापमा अब्बल सावित विद्यार्थीलाई पुरस्कृतसमेत गरिएको थियो । औपचारिक कार्यक्रम पश्चात आयोजित सांस्कृतिक कार्यक्रममा विद्यार्थीहरुले कक्षागत नृत्य प्रस्तुत गरेका थिए ।
त्यस अवसरमा विद्यार्थीहरुले विभिन्न खानाका परिकारहरुको स्टल पनि राखेका थिए ।
