बाँके –
यतिबेला नेकपा (एमाले) बाँकेको निर्वाचनको चर्चा, परिचर्चा छ । पदाधिकारीसहित सदस्य पदका लागि प्रतिस्पर्धीहरु आ–आफ्नो दावीसहित मैदानमा होमिएका छन् । जति–जति अधिवेशनको समय नजिकिदै छ उम्मेदावारी दिनेको संख्या पनि थपिदै गएको छ ।
तीमध्ये एक हुन् किशोर थापा । उनी एमाले बाँकेको सचिवालय सदस्य हुन् ।
१ जेठ, २०४० सालमा बाँकेको जानकी गाउँपालिका २ बेलभारमा जन्मिएका किशोर थापा राष्ट्रिय यूवा संघको केन्द्रीय सदस्य भई कुशलताका साथ जिम्मेवारी पूरा गरिसकेका छन् । राष्ट्रिय यूवा संघको जिल्ला कमिटी सदस्यबाट एमालेको राजनीति थालेका उनी काँग्रेसको भ्रातृ संगठन नेपाल तरुण दलको विगविगी भएका बेला उदायका थिए ।
यूवा संघको बाँके जिल्ला कमिटी सदस्यमा निर्वाचित भएपछि गाउँ–गाउँमा गएर यूवा संघको संगठन विस्तार गरेका उनी संगठनको शिर झुक्न नदिन विपक्षी दलका भ्रातृ संगठनहरुसँग जुध्दै बाँकेमा यूवा संघलाई एक नम्बरमा ल्याउन सफल भए । यूवा संघ बाँकेको जिल्ला अध्यक्ष, केन्द्रीय सदस्य, बाँके जिल्ला इन्चार्जलगायत भूमिका निभाइसकेका किशोरसँग पाएको जिम्मेवारी पूरा गर्ने क्षमता, दक्षता र कुशलता छ ।
आन्दोलनको काँपबाट राजनीतिमा उदायका उनीसँग राजनीतिसँगै कुटनीति छ । शान्त, भद्र स्वभाव भएका किशोर कहिलै रिसाउँदैनन् । जस्तोसुकै असहज परिस्थितिमा पनि सहजरुपमा प्रस्तुत हुने उनी यूवा पुस्तामा लोकप्रिय छन् नै पार्टीमा पनि बलियो पकड बनाएका छन् ।
सबैको भलो चिताउने उनी सहयोगी छन् । स्वभाब नम्र छ । आफूभन्दा सानालाई औधि माया गर्ने किशोर आफूभन्दा ठुलालाई शिर झुकाएर सम्मान गर्छन् । राजनीतिलाई समाजसेवाको रुपमा लिएर मैदानमा उत्रिएका उनले राजनीतिबाट फाइदा कहिलै लिएका छैनन् । सबैमाझ लोकप्रिय उनै किशोर थापा एमाले बाँकेको आसन्न ९ औँ अधिवेशनमा उप–सचिव पदमा उम्मेदवारी दिने घोषणा गरी गाउँ दौडाहमा निस्किएका छन् ।
विपक्षीहरुसँग कहिलै नझुक्ने उनी आन्दोलनकै बलमा संगठनलाई बाँकेमा स्थापित गर्दै राजनीतिमा आफूलाई दर्ज गर्न सफल भएका हुन् । नेता, कार्यकर्ताको हितमा ज्यान दिन तयार हुने किशोरसँग विवाद सुल्झाउने, प्रहरी, प्रशासनसँग कुरा गर्ने कौशलता पनि उत्तिकै छ ।
एमालेलाई बाँकेमा एक नम्बरको पार्टी बनाउन उप–सचिवमा उम्मेदवारी दिन लागेको उनी बताउँछन् । राजनीतिक संस्कारमा हुर्किएका उनी अन्यायका विरुद्ध डटेर लड्छन् । म आफू पनि कसैलाई अन्याय गर्दैन । अरुले गरेको अन्याय पनि सहदैन । एमालेलाई बाँकेमा एक नम्बरको पार्टी बनाउनका लागि पहिले पनि लागेँ ।
रातदिन नभनि पार्टीको काममा खटिने प्रतिवद्धता सहित उप–सचिवमा उम्मेदवारी दिने घोषणा गर्दछु,’ उनले भने, ‘मैले राजनीतिलाई सदैव समाजसेवाको रुपमा हेरेको छु र हेरिरहने छु । पार्टीको शिर सदैव उच्च राख्ने प्रण गर्दछु ।’
