काठमाडौ –
मुग्लिन–नारायणगढ सडकखण्ड आजदेखि दैनिक ४ घण्टा बन्द गरिने भएको छ। सडकखण्डमा निर्माणाधीन पुलका लागि पहाड काट्नुपर्ने भएकाले अन्य वैकल्पिक मार्ग नभएपछि सडक बन्द गर्न लागिएको हो।
नागढुंगा–मुग्लिन सडक आयोजना पश्चिम खण्ड नारायणगढ–मुग्लिनका आयोजनाका प्रमुख अनुसार बिहान ११ बजेदेखि दिउँसो ३ बजेसम्म सडक बन्द गरेर पहाड कटान गरिन लागेको हो । जसमा १ महिना लाग्ने अनुमान गरिएको छ ।
नारायणगढ–मुग्लिन सडकखण्डका निर्माणाधीन १५ वटा पुलको निर्माण सम्पन्न गर्न एक वर्ष लाग्ने बताइएको छ। सात महिनाभित्र १० वटा पुल र बाँकी समयमा बाँकी रहेका पुल निर्माण गर्नेगरी काम अगाडि बढाएको छ ।
