बाँके –
रोल्पामा बस दुर्घटना हुँदा ४ जनाको मृत्यु भएको छ । दुर्घटनामा १५ जना घाइते भएका छन् । मंगलबार रोल्पाबाट दाङको घोराही जाँदै गरेको ना ख २६१२ नम्बरको बस त्रिवेणी गाउँपालिका–७ तिला रिचि गाउँ भन्ने ठाउँमा दुर्घटना भएको थियो । सडकदेखि करिब १५० मिटर तल बस खसेको प्रहरीले जनाएको छ।
रोल्पा प्रहरीका अनुसार दुर्घटनामा मृत्यु हुनेमा रोल्पा माडी गाउँपालिका–२ का २१ वर्षीय प्रकाश बाँठा, माडी गाउँपालिका–४ का ५० वर्षीय गोर्खे डाँगी र उनकी ५० वर्षीया श्रीमती हस्त डाँगी र परिवर्तन गाउँपालिका–३ का ४६ वर्षीय भक्तबहादुर विक हुन् । बसमा १९ जना यात्रु सवार थिए भने बसका ३ जना स्टाफ थिए ।
दुर्घटनाका घाइतेहरूलाई उपचारका लागि दाङ पठाइएको रोल्पा प्रहरीले जानकारी दिएको छ।
