बाँके –
बैतडीको दोगडाकेदार गाउँपालिका-३ मा जिप दुर्घटना हुँदा एक जनाको मृत्यु भएको छ भने पाँच जना घाइते भएको प्रहरीले जनाएको छ ।
जिल्ला प्रहरी कार्यालयका अनुसार दोगडाकेदार गाउँपालिका-३ घोडेधारमा शनिबार बिहान से १ ज ६०३ नम्बरको जिप दुर्घटना हुँदा दोगडाकेदार गाउँपालिका-८ का ३५ वर्षीय अम्मर बिष्टको मृत्यु भएको छ ।
कटौजपानीबाट सिल्लेगडातर्फ आउँदै गरेको जिप दुर्घटना हुँदा अन्य ५ जना घाइते भएका छन् । घाइतेहरूको पहिचान खुल्न भने बाँकी रहेको छ ।
घटनास्थलतर्फ प्रहरी टोली खटिएको र थप विवरण आउन बाँकी रहेको छ । उपचारका लागि घाइतेहरूलाई जिल्ला अस्पताल बैतडी लगिएको छ ।
